Unë jam Kadrije Arifi nga fshati Opajë, komuna e Likovës dhe jam mësimdhënëse e matematikës në SHF “7 Marsi”. Si mësimdhënëse, përpiqem që të njihem më mirë me nxënësit duke ndjekur zhvillimin dhe njohuritë e tyre. Më pëlqen puna me fëmijë dhe besoj se arsimi ka fuqi për ta ndryshuar jetën.

Ende nuk jam mësimdhënëse me përvojë të madhe, por ajo që është më e rëndësishme në zhvillimit tim profesional është fakti që në periudhë të shkurtër kohore, u përpoqa që të bashkëpunoj me mësimdhënës me përvojë, me qëllim të adaptimit të metodave mësimore për secilin nxënës.

Në fillim kur u krijua portali EDUINO, nuk kisha shumë informata për procesin e përpunimit të videoleksioneve dhe kjo më dukej pak e vështirë. Por, kur u shpall thirrja e dytë, desha të bëj diçka që do të mbetet për shumë gjenerata. Kuptohet, motivi kryesor janë nxënësit. Rekomandimi imë është që të përpiqet çdo mësimdhënës, sepse kjo është për të mirën e nxënësve.

Si Eduino Ambasador, të ardhmen e shoh si mësimdhënës që vazhdimisht përpiqet të gjejë strategji novatore dhe të përshtatshme, si dhe modele të ligjërimit gjatë mësimit.

EDUINO është një platformë përmes të cilës mësimdhënësit mund t’i shfrytëzojnë idetë e tyre kreative për të krijuar materiale edukative. EDUINO ishte gjëja më e mirë gjatë kohës së pandemisë, sepse ishte platformë që u mundësoi nxënësve që të mos jenë tërësisht të ndarë nga libri dhe procesi edukativ-arsimor. EDUINO është vendi ku nxënësit mund t’i takojnë mësimdhënësit në çdo kohë.

Bibliotekë