ambassador image
Елена Тодоровска
Професорка по предучилишно воспитание и образование
детска градинка „Раде Јовчевски – Корчагин“ – Скопје
Како мајка, воспитувач, човек што неизмерно ги сака децата, секојдневно посветувам внимание и грижа за најмалите и остварувам силни врски и интеракции за да ме доживеат децата како личност што им влева сигурност, која ги слуша и ги почитува, а воедно, ги учи и ги воспитува да бидат подобри и поуспешни.
Запознајте се со нашиот ЕДУИНО Амбасадор
ПРАШАЊА И ОДГОВОРИ
Кои сте Вие? Како би се опишале како едукатор?
Моето име е Елена Тодоровска. Работам во детската градинка „Раде Јовчевски – Корчагин“ –Скопје како професор по предучилишно воспитание и образование. Себеси би се опишала како едукатор што ги учи децата на животните вештини и на емоционална зрелост и сигурност.
Споделете ја Вашата најдобра практика во образованието (она што Ве прави едукаторот кој сте денес).
Како мајка, воспитувач, човек што неизмерно ги сака децата, секојдневно посветувам внимание и грижа за најмалите и остварувам силни врски и интеракции за да ме доживеат децата како личност што им влева сигурност, која ги слуша и ги почитува, а воедно, ги учи и ги воспитува да бидат подобри и поуспешни.
Која беше Вашата мотивација и посветеност за огромниот придонес кон ЕДУИНО-порталот и што им препорачувате на останатите едукатори?
За мене единствената мотивација се децата. Кога работите со деца, вие сте освоени од секое детско срце. Децата ги гледам како наше најголемо богатство, во кое ние треба многу да вложуваме, бидејќи тие се нашата иднина, нашето сè. Ние како нивни едукатори секогаш мислиме на потребите на децата и го даваме нашиот максимум во раното учење и развој на воспитно-образовниот процес.
Како Вие ја гледате иднината на образованието како ЕДУИНО-амбасадор?
Иднината на образованието зависи од сите нас. За да имаме посреќни деца, треба да ги подобриме условите и начините на учење. Во воспитно-образовниот процес треба да бидеме вклучени сите, особено кај најмалата возраст, за да можат да пораснат во емоционално зрели личности, кои сакаат, почитуваат и се благодарни. Модернизацијата треба да ја консумираме со цел и умерено за да не ги изгубиме меѓучовечките вредности. Убаво е да почнеме да создаваме едукативни содржини што ќе им помогнат на децата и родителите како едно образовно помагало.
Што претставува за Вас ЕДУИНО?
ЕДУИНО за мене е платформа за образовен раст и развој на децата. Е – единствена и едукативна, Д – друштвено дигитална, У – учечко, И – игровна, Н – научна, О – образовна програма.
Довршете ја реченицата: ЕДУИНО e _____________
Едукација.
ЗАПОЗНАЈТЕ ГИ ОСТАНАТИТЕ
ЕДУИНО АМБАСАДОРИ
ambassador image
Шемсие Ајдари
Е-учењето, како модерен начин на учење, нема да ги задоволи сите барања и потреби на учењето и на ученикот, но е неизбежен и комплементарен дел од традиционалното учење.
ambassador image
Ќемајледин Емини
Сега имаме многу можности за унапредување на образованието, меѓутоа и барањата денес се поголеми, што значи дека работата останува приоритет за добри резултати.
ambassador image
Марија Мостро
Со учениците имам непосреден однос, кој се темели, пред сè, на меѓусебно разбирање и почитување.