ambassador image
Зорица Адамчевска
Одделенски наставник
ООУ „Петре Поп Арсов“ – Богомила
Можноста да направиш мозаик од сите твои веќе испробани нешта. Прекрасно е чувството кога некој наставник, кој воопшто не те ни познава, ќе ти пренесе порака: „Денес Вие им бевте наставничка на моите ученици на два часа“, и во моментот добиваш серија слики од нивните изработки.
Запознајте се со нашиот ЕДУИНО Амбасадор
ПРАШАЊА И ОДГОВОРИ
Кој сте вие и како каков едукатор би се опишале?
Одделенски наставник Зорица Адамчевска, којa цели 15 години се дружи со најмалата ученичка популација, првачињата, секојдневно поминувајќи пат од 50 км. до ООУ „Петре Поп Арсов“ – с. Богомила, о. Чашка. Каков едукатор? Некој што го дава својот максимум од посветеност за да ја добие довербата од секој ученик.
Споделете ја вашата најдобра практика во образованието, она што ве прави да бидете едукатор каков што сте денес.
ИГРАТА. Има ли подобра стратегија за учење од тоа да го видиш интересот за игра, упорноста да се успее, да се победи и, на крајот, ги гледаш оние озарени очиња и слушаш експлозивно: „УСПЕАВ!“
Која беше вашата мотивација и посветеност за огромниот придонес на порталот ЕДУИНО и што им препорачувате на другите?
МОТИВ. Можноста да направиш мозаик од сите твои веќе испробани нешта. Прекрасно е чувството кога некој наставник, кој воопшто не те ни познава, ќе ти пренесе порака: „ Денес Вие им бевте наставничка на моите ученици на два часа“ и во моментот добиваш серија слики од нивните изработки. Е, тогаш едноставно чувствуваш дека ТИ МОЖЕШ. ШТО ИМ ПОРАЧУВАМ? Обидете се – потребна ви е само конкретна цел, добра идеја, задолжителна интеракција и малку трпение.
Како вие како ЕДУИНО-амбасадор ја гледате иднината на образованието?
Со мали чекори до големи промени! Мотивираниот наставник и за навидум невозможното има решение! Се обидовме и успеавме !
Што претставува за вас ЕДУИНО?
Место каде што секој член на заедницата може да пронајде делче за себе – ученик, родител, наставник, почетник...СЕКОЈ
Довршете ја реченицата: ЕДУИНО e _____________
ИЗЛЕЗ / РЕШЕНИЕ / ЕУРЕКА / КОМПЛЕТЕН ТИМ / ПОДДРШКА.
ЗАПОЗНАЈТЕ ГИ ОСТАНАТИТЕ
ЕДУИНО АМБАСАДОРИ
ambassador image
Марија Мостро
Со учениците имам непосреден однос, кој се темели, пред сè, на меѓусебно разбирање и почитување.
ambassador image
Жарко Алексовски
Јас како амбасадор ќе продолжам да помагам во креирањето нови видеа и се надевам дека учениците ќе бидат задоволни од моите излагања и презентации.
ambassador image
Шемсие Ајдари
Е-учењето, како модерен начин на учење, нема да ги задоволи сите барања и потреби на учењето и на ученикот, но е неизбежен и комплементарен дел од традиционалното учење.