ambassador image
Светлана Бобевска
Одделенски наставник
ООУ„Блаже Конески“ – Велес
Мојата мотивација беше да креирам дигитални лекции што ќе ги користат учениците и наставниците, со што ќе оставам траен белег со својата работа. Им порачувам на младите наставници да се вклучуваат во вакви активности, да не се откажуваат при првиот неуспех, бидејќи со упорност и истрајност ќе станат успешни наставници.
Запознајте се со нашиот ЕДУИНО Амбасадор
ПРАШАЊА И ОДГОВОРИ
Кои сте Вие? Како би се опишале како едукатор?
Јас сум Светлана Бобевска, одделенски наставник во ООУ „Блаже Конески“ – Велес. Следејќи ги иновациите, се надградувам и се усовршувам како наставник. На таков начин можам да бидам креатор на наставата и учењето на 21 век, а самиот процес на иновации не е само новина туку и промена на улогата на наставникот, која ќе биде усогласена со можностите на училиштето, интересот и способностите на учениците, посебно во денешната дигитализација на образованието. Пандемијата, покрај големиот број негативности, внесе и светлина во дигиталниот образовен процес.
Споделете ја Вашата најдобра практика во образованието (она што Ве прави едукаторот кој сте денес).
Како млад наставник, кога првпат започнав да работам, бев голем ентузијаст и ја прифаќав секоја новина во образованието и ја применував преку мојата креативност во наставата. Посакував да имам познавања како денес, но човекот учи цел живот. Тоа е и нашето мото – доживотно учење, па затоа сум ова што сум денес: едукатор што несебично ги споделува своите знаења со другите наставници.
Која беше Вашата мотивација и посветеност за огромниот придонес кон ЕДУИНО-порталот и што им препорачувате на останатите едукатори?
Бидејќи по природа сум личност што прифаќа предизвици и не се откажува лесно додека не ја заврши поставената цел, и сега го прифатив предизвикот, иако не знаев со што се соочувам. Мојата мотивација беше да креирам дигитални лекции што ќе ги користат учениците и наставниците, со што ќе оставам траен белег од својата работа. Им порачувам на младите наставници да се вклучуваат во ваквите активности и да не се откажуваат при првиот неуспех, бидејќи со упорност и истрајност ќе станат успешни наставници.
Како Вие ја гледате иднината на образованието како ЕДУИНО-амбасадор?
Модернизацијата на образованието оди кон дигитализација и настава на далечина, која во светот функционира од многу одамна. Се надевам дека ЕДУИНО ќе прерасне во заедница на дигитални ресурси за образованието во државата во која ние како тим ќе придонесеме со нашиот ентузијазам и со посветеноста во работата.
Што претставува за Вас ЕДУИНО?
ЕДУИНО е едно големо дигитално семејство со многу членови, кои придонесуваат за неговиот успех.
Довршете ја реченицата: ЕДУИНО e _____________
Дигитално образование.
ЗАПОЗНАЈТЕ ГИ ОСТАНАТИТЕ
ЕДУИНО АМБАСАДОРИ
ambassador image
Јасмина Муриќ
Ми беше задоволство да креирам разновидни едукативни активности и видеолекции кои ќе бидат достапни за сите родители и наставници.
ambassador image
Горан Цветкоски
Како едукатор, за мене претставува големо задоволство тоа што ги пренесувам моите вештини и знаење на учениците.
ambassador image
Викторија Стојановска
Моето мото е „Подари му љубов и разбирање на детето, помогни му да ги направи работите само и тоа низ искуството ќе научи сè што му треба“.