Mëkimi i zogjve

Përgatitje e materialeve për punim.

Filloni me lidhjen e një toje / fill leshi në majë të një boçe pishe që të varet. Ngjyejeni boçen me një përzierje natyrore ngjitësi (gjalpë kikirikash, mjaltë, taan etj.). Vërini farat për zogj në letër dhe rrokulliseni boçen e ngjyer që të ngjiten farat.

Bisedoni me fëmijën për zogjtë, pamjen dhe karakteristikat e tyre (gjithashtu mund tì tregohet / lexohet ndonjë përrallë në mënyrë që fëmija të mund tì përjetojë emocionalisht). Fëmija duhet të krijojë një mëkuese të natyrshme për zogj, e cila do të varet në afërsi të shtëpisë së vet, për t’i ushqyer zogjtë në stinë të ndryshme. Pyeteni fëmijën vallë ka parë ndonjëherë mëkuese për zogj në rrethin e tij. Bisedoni për llojet e ushqimeve të cilat zogjtë do të mund t’i hanë pa rrezik. Shpjegojani fëmijës procedurën për punimin e mëkueses për zogj dhe nëse ka nevojë ndihmojeni. Bashkë me fëmijën zgjidhni një dru në oborr ose në afërsi të shtëpisë që të jetë i qasshëm për zogjtë. Me ndihmën e tojës vareni në një degë druri. Fëmija ka për detyrë të ndjek dhe të vrojtojë se çfarë lloje zogjsh vijnë të ushqehen, t’i përshkruajnë, t’i emërtojnë, t’i imitojnë tingujt e tyre e kështu me rradhë.