Геотабла
Направете ја својата геотабла и развивајте ја својата креативност преку вежбање на математичките и моторичките способности. Оваа активност вклучува оформување на фигури, бројки и геометриски облици со помош на ластичиња.
Картонска или стиропорна амбалажа; Чепкалки за заби/за уши/за ражничи; Ластици во разни бои; Листови и прибор за пишување; Ножици
Заедничка
Цели
Целта е да се развијат детската фантазија, моторичките способности, меморијата, вниманието, математичките способности, просторното размислување и препознавање и опишување на 2Д формите.
Резултати
Детето има развиени фантазија, моторички способности, меморија, внимание, математички способности и просторно размислување.
Игровна активност
Подготовка на сензорна геотабла, картички и ластици во разни бои. Во зависност од материјалите коишто ги има во секој дом може да се направи сензорната табла, според дадените примери или сопствена креација со слични материјали. Пример 1; На картонска подлога исечена во форма на квадрат се поставуваат чепкалки за заби/за уши/за ражничи на еднакво растојание, хоризонтално и вертикално на целата основа. Пример 2; На стиропорна табла (од амбалажа) исечена во форма на квадрат се поставуваат чепкалки за заби/за уши/за ражничи на еднакво растојание, хоризонтално и вертикално на целата основа. Најчесто геотаблата се прави 5х5, односно со 25 точки (Прилог бр. 1). Во зависност од возраста на детето треба да се изработат картички (Прилог бр. 2) со шеми кои ќе се прават на таблата. Доколку детето е на предучилишна возраст родителот ќе ги изработи картичките со едноставни форми.
На детето му се објаснува дека треба со ластиците на таблата да формира фигури, букви, бројки, геометриски облици или да креира нешто според своите мисли и идеи.
Детето се поттикнува самостојно да ги поставува ластиците на таблата според претходните инструкции и изработените картички со шеми и да внимава на безбедноста на прстите и дланките. Доколку има интерес детето може да прави и свои разновидни креации.