Unë jam Billjana Arsovska, mësimdhënëse klasore në SHFK “Vera Jociq” në Shkup. Do të përshkruhesha si edukatore e cila vazhdimisht investon në edukimin e vet me qëllim të përmirësimit të zhvillimit personal dhe profesional. Gjatë punës sime, i ndjek aktivisht risitë që përfshihen në procesin edukativ-arsimor dhe i zbatoj menjëherë në praktikë. Si edukatore, krijoj ambient të mësimit që bazohet në respektin e ndërsjellë dhe parimet demokratike. E nxis mendimin kritik te nxënësit, interesat e tyre dhe sjellim rregulla të përbashkëta të sjelljes në klasë. Krijoj situata për mësim, bazuar në përvojat e drejtpërdrejta, bashkëveprimin shoqëror dhe hulumtime. Në klasë, e shoh veten time si nxënëse së bashku me fëmijët tjerë.

Dashuria ndaj nxënësve është udhërrëfyesja ime e vazhdueshme për të kontribuar sa më shumë për ta. Mundësia për t’ua bërë sa më interesant mësimin nxënësve, në një ambient të këndshëm dhe atmosferë pozitive të punës, të krijoj nxënës që dinë të respektojnë, të bashkëpunojnë, nxënës që besojnë në vetvete.

Më tërhoqi koncepti i EDUINO-s, fakti që kishim hapësirë për të bërë diçka që do të mbetet vlerë e përhershme edhe për nxënësit edhe për kolegët tanë. Gjithashtu, orët EDUINO të kolegëve, më ndihmuan shumë në krijimin e ideve të reja për orë akoma më interesante që i realizoja në klasë. Shkëmbimi i përvojave dhe njohurive si dhe puna ekipore gjatë mësimit është më e rëndësishmja sepse e jep frytin më të mirë, e ai është suksesi i nxënësve.

Nevoja për ndryshim në arsim është shumë e rëndësishme për shkak të ndryshimeve që ndodhin nëpër botë. Ardhmëria e arsimit patjetër duhet të bazohet në programe mësimore kualitative të cilat që do të jenë fleksibile, përkatësisht programe të cilat do t’u përshtaten lehtë nevojave konkrete të nxënësve. Nxënësit duhet të nxisin të menduarit, të parashtrojnë pyetje, të gjejnë zgjidhje për problemet dhe sfidat e caktuara.

EDUINO është platformë e cila ofron arsim kualitativ për nxënësit, mësimdhënësit, praktikantët dhe prindërit. Eduino ofron shumë kreativitet, njohuri dhe shkëmbim të përvojave.

Platformë e cila hap derë për njohuri të reja