Unë jam Manuella Dimova, mësimdhënëse klasore në SHF “Tosho Vellkov – Pepeto” në Kavadar. Që e vogël kam pasur dëshirë të jem mësimdhënëse, i dua fëmijët shumë, ato janë frymëzimi im. Çdo risi në arsim për mua paraqet sfidë. Dëshira për edukim, arsim dhe zhvillim të fëmijëve, si dhe dashuria ndaj profesionit të mësimdhënësit më çoi në botën e arsimit. Ambicia ndaj procesit arsimor më frymëzon vazhdimisht, duke zgjuar brenda meje kreativitetin, energji dhe entuziazëm për punë me nxënësit e mi.

Të jesh pjesë e botës arsimore dhe të jesh mësimdhënëse e nxënësve të mësimdhënies klasore është një kënaqësi e madhe për mua. Çdo orë e re me nxënësit e mi është një sfidë, por edhe një fillim i ri për të mësuar diçka të re që do të lërë njohuri të përhershme në trurin e fëmijëve. Që në fillim të karrierës sime si mësimdhënëse kam bërë shumë përpjekje për të qenë një mësimdhënëse, edukatore më e mirë. Me kënaqësi marr pjesë në trajnime, seminare, projekte të shumta, të cilat më ndihmojnë në zhvillimin dhe përmirësimin e karrierës sime.

Arsimi, veçanërisht gjatë pandemisë, ka pësuar ndryshime të mëdha, veçanërisht në fushën e mësimdhënies. Ne si mësimdhënës ishim të sfiduar, por edhe të motivuar për të ndjekur hapat e zhvillimit të digjitalizimit. Si mësimdhënëse me shumë entuziazëm u bëra pjesë e EDUINO-s. Për mua ishte një sfidë e re, për njohjen e botës së digjitalizimit si dhe metodave novatore të punës. Rekomandoj që sa më shumë mësimdhënës t'i bashkohen komunitetit EDUINO - në këtë mënyrë të gjithë së bashku do të krijojmë një familje të madhe edukativo-arsimore që do të jetë më e pasur me shumë ide interesante për realizimin e mësimdhënies.

Arsimi është themel i shoqërisë. Ardhmërinë e arsimit e krijojmë të gjithë ne bashkë. Të motivuar dhe të sfiduar nga modernizimi dhe digjitalizimit përpiqemi të krijojmë kushte dhe mënyra më të mira të të mësuarit. Kam kënaqësi të madhe që jam pjesë e EDUINO-s dhe që të gjithë ne së bashku krijojmë përmbajtje edukative të cilat janë ndihmë e madhe dhe të rëndësishme për nxënësit.

EDUINO për mua paraqet rritje dhe zhvillim të botës arsimore, ku ne mësimdhënësit së bashku dhe me entuziazëm të madhe plotësohemi, përsosemi, ndajmë ide dhe motivojmë njeri-tjetrin me qëllim për të kontribuar në arsimin.

Mjet kreativ, burim i ideve të shumta.