Unë jam Miradie Bajrami, mësuese në shkollën fillore "Naim Frasheri" në Kumanovë. Punoj me nxënës të klasës së parë. Unë e dua këtë profesion dhe e punoj me dashuri. I dua shumë studentët e mi, çdo ditë me shumë gëzim fëmijët më presin para dere dhe më përqafojnë, por edhe unë i dua ata, sepse e dua profesionin tim. Jam e gatshme t’i inkurajoj dhe motivoj që të jenë kreativ në çdo kohë. Gjithmonë përpiqem të jem një person i hapur, pozitiv dhe komunikues, i cili është i gatshëm të mësojë dhe mbrojë xënësit e vet.

Praktika është e përditshme, është e ndryshme çdo ditë dhe ka kuptimin e vet. Unë do t’i veçoja diskutimet e përditshme me fëmijët e mi të dashur.

Covid 19 e ndryshoi botën dhe shumë prej nesh mësuesve për herë të parë në jetën tonë u njohëm me modelin e mësimit në internet dhe të mësuarit në distancë.

Unë mendoj se së pari duhet të ketë një staf cilësor, sepse fëmijët janë një kapital i paçmuar i një vendi dhe investimi në ta është investim për të ardhmen.

EDUINO për mua është portali më i pëlqyer, i cili gjatë pandemisë e mbështeti sistemin arsimor në vendin tonë. EDUINO është portal kolektiv që ishte më afër fëmijëve gjatë pandemisë, ku nxënësit patën mundësinë të mësojnë nga përmbajtja digjitale.

Shoqërim dhe inkurajim.