Notice: Undefined variable: uploads_folder in /home/inoveted/eduino/wp-content/themes/ultra-child/single-ambasadori.php on line 85
ambassador image
Биљана Стојановска
Одделенски наставник
ООУ „Св. Кирил и Методиј“ - Скопје
За мене е карактеристична иновативноста, креативноста и постојано следење на светските современи образовни и технолошки трендови. Како Scientix и Empatico амбасадор, имам соработка со наставници од цел свет. Често разменуваме идеи и искуства, кои ги применувам со моите ученици.
ПРАШАЊА И ОДГОВОРИ
Кои сте Вие? Како би се опишале како едукатор?
Јас сум Биљана Стојановска, одделенски наставник во ООУ „Св. Кирил и Методиј“ Центар, Скопје. Сакам постојано да сум во тек со современите образовни и технолошки трендови. Иновативноста, креативноста и постојаната потрага по нови нешта сакам да ја пренесам и на моите ученици, затоа што тоа им се неопходни карактеристики за нивното понатамошно образование и за поттикнување на сопствено критичко мислење. Со мојот интерес за технологија, кодирање и СТЕМ, сакам да придонесам кон нивните почетни насоки за професиите на иднината, како и развивање на логичкото и програмското размислување. Особено сум горда на материјалите за учење за прво и четврто одделение по природни науки според новата концепција, бидејќи ги изработивме со многу љубов, ентузијазам и професионалност.
Споделете ја Вашата најдобра практика во образованието (она што Ве прави едукаторот кој сте денес).
Примена на многу дигитални алатки, дигитални игри, интересни игри во училница и неочекувани предизвици и активности е мојот клуч за разиграна, весела и посакувана средина за учење. Многу големо внимание посветувам и на развивање на карактерните вредности кај учениците, зголемување на нивната самодоверба, другарство, љубопитност, почитување, хуманост итн. Тоа го постигнувам со насочени игри и заеднички разговори, но и со помош на роботчето Роби, кое го имаме во нашето училиште. Тоа секогаш буди љубопитство, интерес и желба кај учениците. Учеството во проекти е исто така значајно, бидејќи овозможува различен пристап и стимулација за успех и мотивација кај учениците.
Која беше Вашата мотивација и посветеност за огромниот придонес кон ЕДУИНО-порталот и што им препорачувате на останатите едукатори?
Мојата мотивација и посветеност за придонес кон ЕДУИНО порталот е збогатување на библиотеката на активности и игри за примена во наставата. Бидејќи игрите ги користам многу, а и учениците со нетрпение ги очекуваат. Како едукатор имав потреба од веќе подготвени активности и соодветно групирани, со што би заштедила време во подготовка и планирање на моите часови. На сите едукатори им препорачувам да дадат свој придонес кон збогатување на оваа платформа, бидејќи така ќе си помогнеме едни на други и ќе овозможиме поквалитетно образование. Споделувањето идеи, активности и практики ќе овозможи олеснување, уште поголемо задоволство и мотивација за нашата работа.
Како Вие ја гледате иднината на образованието како ЕДУИНО-амбасадор?
Иднината на образованието кај нас, како ЕДУИНО Амбасадор, ја гледам како витална нишка во целото општество, на кое му се дава огромна важност, бидејќи е основна потреба за општествен напредок и развој. Јас ќе продолжам со моите иновативни и креативни практики, несебично споделуваќи ги со колегите и доколку е заемно ќе бидеме посилни, похрабри и помотивирани. Ќе продолжиме заеднички да ги следиме светските современи образовни и технолошки трендови и промени, ќе се трудиме да останеме во чекор со нив, за да едуцираме подготвени и силни личности за новото време и новите предизвици. Секој наставник нека биде инспирација за понатамошното делување на своите ученици во иднина.
Што претставува за Вас ЕДУИНО?
ЕДУИНО го доживувам како заедничко катче со неисцрпни идеи, можности и знаење. Тоа е платформа која ги следи глобалните промени и потреби. ЕДУИНО е алатка која претставува голема помош, извор на знаења и ресурси за сите алки од образовниот процес (ученици, родители, наставници), со која полесно ги остваруваат своите цели.
Довршете ја реченицата: ЕДУИНО e _____________
Три „И“: Инспирација, Иновативност и Иднина.
ЗАПОЗНАЈТЕ ГИ ОСТАНАТИТЕ
ЕДУИНО АМБАСАДОРИ
ambassador image
Ќемајледин Емини
Сега имаме многу можности за унапредување на образованието, меѓутоа и барањата денес се поголеми, што значи дека работата останува приоритет за добри резултати.
ambassador image
Николина Милевска
Верувам дека иднината на образованието е во примената на нови современи, дигитални методи кои ќе бидат соодветни на новите интереси и желби на учениците.
ambassador image
Виолета Поповска
ЕДУИНО за мене претставува уште еден предизвик во мојата кариера како наставник, едно добро искуство досега поразлично, од областа на образованието.