ambassador image
Весна Пупучовска
Одделенски наставник
ООУ „Александар Турунџев“ – с. Кукуречани
За мене ЕДУИНО беше можност да им ги приближам содржините на поголем број ученици во време на онлајн-настава, да им овозможам поинаков начин на поучување, посликовит и поинтересен за нив, во време кога им одговара ним. Исто така, и како средство што другите наставници ќе го употребат во својата работа.
Запознајте се со нашиот ЕДУИНО Амбасадор
ПРАШАЊА И ОДГОВОРИ
Кои сте Вие? Како би се опишале како едукатор?
Весна Пупучовска, ООУ „Александар Турунџев“ – с. Кукуречани, Битола. Работам како одделенски наставник во ПУ с. Крклино, Битола. Досега сум работела во комбинирани паралелки со различен број одделенија, почнувајќи со 3 одделенија, но и по 3 години со 4 и со 5 одделенија.
Споделете ја Вашата најдобра практика во образованието (она што Ве прави едукаторот кој сте денес).
Можноста да им го направам интересно учењето на учениците, да ги мотивирам, да им го приближам она што не го знаат, а ги интересира, да ги поттикнам да бараат, да истражуваат, да сакаат да учат и да го применат наученото.
Која беше Вашата мотивација и посветеност за огромниот придонес кон ЕДУИНО-порталот и што им препорачувате на останатите едукатори?
За мене ЕДУИНО беше можност да им ги приближам содржините на поголем број ученици во време на онлајн-настава, да им овозможам поинаков начин на поучување, посликовит и поинтересен за нив, во време кога им одговара ним. Исто така, и како средство што другите наставници ќе го употребат во својата работа.
Како Вие ја гледате иднината на образованието како ЕДУИНО-амбасадор?
Современо образование, чија цел е ученикот ,заедно со учителот, како централна личност што го спроведува поучувањето и обезбедува можности за учениците да учат ефективно преку интересни активности за развивање на своите вештини преку истражување, откривање, творење.
Што претставува за Вас ЕДУИНО?
Партнер во работата, споделување идеи, начин на кој учениците се воведуваат во користењето нов извор на учење. Научив да користам одредени алатки што претходно не ги употребував.
Довршете ја реченицата: ЕДУИНО e _____________
Знаење/соработка.
ЗАПОЗНАЈТЕ ГИ ОСТАНАТИТЕ
ЕДУИНО АМБАСАДОРИ
ambassador image
Наташа Тодоровска
Како ЕДУИНО-амбасадор, на моите колеги би им порачала да станат член од ЕДУИНО-заедница, ако секој од нас сними барем по еден час, ќе имаме ризница од едукативни часови.
ambassador image
Александар Цветкоски
Иднината на образованието ја гледам на високо ниво. Иднина исполнета со многу успех, пристапност до квалитетно образование.
ambassador image
Елена Мицовски
ЕДУИНО е начин за современа едукација. Брз, лесен пристап, едукативни содржини кои поттикнуваат интерес кај учениците.