Notice: Undefined variable: uploads_folder in /home/inoveted/eduino/wp-content/themes/ultra-child/single-ambasadori.php on line 85
ambassador image
Елена Ташева
Младински едукатор во невладина организација
Работам како младински едукатор во невладина организација и сум во постојан контакт со млади и деца. Како едукатор би се опишала како проактивна, креативна и иновативна – мојата цел во работата е да креирам неформални програми и методи, преку кои на забавен и интерактивен начин.
ПРАШАЊА И ОДГОВОРИ
Кои сте Вие? Како би се опишале како едукатор?
Проактивен, интерактивен, креативен. Елена Ташева, Неготино, м-р по маркетинг и менаџмент. Иако не предавам во моментов во ниту едно училиште, работам како младински едукатор во невладина организација и сум во постојан контакт со млади и деца. Како едукатор би се опишала како проактивна, креативна и иновативна – мојата цел во работата е да креирам неформални програми и методи, преку кои на забавен и интерактивен начин ќе ги доближам темите до младите. Исто така, поборник сум и водам страница за заштита на животната средина и еко-начин на живеење, и во моментов разработувам идеја за сликовница за деца на таа тема.
Споделете ја Вашата најдобра практика во образованието (она што Ве прави едукаторот кој сте денес).
Дека вниманието во училница не се добива со монотонија и рецитирање на учебникот, туку со практични примери во кои сите ќе учествуваат. Дека знаењето не се става со инка, туку преку паметење и доближување на материјата најблиску до децата. И дека наставникот не е авторитет со викање и казнување, туку со љубов и труд. Сепак, единствена причина поради која сме едукатори и наставници се децата и младите, нели?
Која беше Вашата мотивација и посветеност за огромниот придонес кон ЕДУИНО-порталот и што им препорачувате на останатите едукатори?
Отсекогаш сум сакала идеите и начинот на кој ги спроведувам активностите со младите да ги споделам со другите, да ги инспирираме другите да создаваат активности, да не се сведува само на веќе познатите или да чекаме некој друг да го направи тоа. За време на пандемијата максимално го искористив времето да се посветам на пишување, изработка на активности, снимање и документирање, како и неколку заеднички соработки со други страници за детски активности како „Креативна библиотека за деца“ и сл.
Како Вие ја гледате иднината на образованието како ЕДУИНО-амбасадор?
Иднината ќе се фокусира на иновативност и креативност.
Што претставува за Вас ЕДУИНО?
Ризница на идеи и активности што ќе го стимулираат развојот на детето, а ќе им ја олеснат работата на родителите.
Довршете ја реченицата: ЕДУИНО e _____________
Бесконечен.
ЗАПОЗНАЈТЕ ГИ ОСТАНАТИТЕ
ЕДУИНО АМБАСАДОРИ
ambassador image
Невенка Иванова Толеска
Ја имам најубавата професија и секојдневно уживам во мојата работа, а тоа е можеби највредната лекција која им ја пренесувам на моите ученици.
ambassador image
Мануела Димова
Создавањето на креативени, едукативени, иновативни начини и методи за пренесување на знаење е дел од моето секојдневие како наставник.
ambassador image
Атинула Ничова
Мојата занимална е безбедна и стимулативна средина, најважно од сè ми е децата да се чувствуваат значајни, сакани и безусловно прифатени во воспитната група.