ambassador image
Нора Жута Села
Одделенски наставник
ООУ „Зини Хани“ - Струга
Сакам да креирам позитивна атмосфера во која секој се чувствува прифатено, атмосфера во која и јас станувам ученик. Од големо значење ми се моментите кога го гледам светот од нивна песпектива и станувам ученик исто како нив.
ПРАШАЊА И ОДГОВОРИ
Кои сте Вие? Како би се опишале како едукатор?
Јас сум Нора Жута Села, работам како одделенси наставник во ООУ „Зини Хани“ - Велешта, Струга. Како наставник работам веќе 21 година и низ годините постојано се обидувам да создадам позитивна средина за учење. Често сакам да ги предизвикувам моите ученици да го искажат своето мислење, но воедно и да го поттикнам нивното критичко размислување. Во мојата училница правилата ги дефинираме сите заедно, така креираме можност за меѓусебно почитување и одговорност.
Споделете ја Вашата најдобра практика во образованието (она што Ве прави едукаторот кој сте денес).
Сметам дека моите најдобри практики како наставник се поттикнати од љубовта кон мојата професија и моите ученици. Сакам да креирам позитивна атмосфера во која секој се чувствува прифатено, атмосфера во која и јас станувам ученик. Од големо значење ми се моментите кога го гледам светот од нивна песпектива и станувам ученик исто како нив.
Која беше Вашата мотивација и посветеност за огромниот придонес кон ЕДУИНО-порталот и што им препорачувате на останатите едукатори?
Со почетокот на пандемијата, драстично се промени и концептот на работа за нас наставниците. Во тие моменти размислував за тоа: како можам да им го олеснам процесот на стекнување на знаење на моите ученици? Во тој период се запознав со ЕДУИНО и првиот отворен повик за видеолекции, па така ги снимив првите 11 видео часови. Бев особено среќна што преку моите видеолекции допрев до ученици од целата држава. Понатаму бев дел и од отворениот повик за едукативни игровни активности во склоп на платформата ЕДУИНО Ран детски развој и преку истиот поднесов 10 игровни активности.
Како Вие ја гледате иднината на образованието како ЕДУИНО-амбасадор?
Иднината во образованието ја гледам со огромен потенцијал за подобрување на образованието и образовниот систем во нашата држава.
Што претставува за Вас ЕДУИНО?
ЕДУИНО претставува збирка на добри практики, платформа преку која ние наставниците можеме меѓусебно да ги размениме своите искуства.
Довршете ја реченицата: ЕДУИНО e _____________
Развој.
ЗАПОЗНАЈТЕ ГИ ОСТАНАТИТЕ
ЕДУИНО АМБАСАДОРИ
ambassador image
Мира Ѓорѓиевска
Процесот на дигитализација е неминовен, а ЕДУИНО е вистиски пример и насока за како треба да изгледа образованието во иднина.
ambassador image
Душица Јакимовска
Благодарение на ЕДУИНО имав можност моите едукативни активности да ги споделам со едукатори, родители и деца од целата држава.
ambassador image
Виолета Поповска
ЕДУИНО за мене претставува уште еден предизвик во мојата кариера како наставник, едно добро искуство досега поразлично, од областа на образованието.