Моето име е Елена Тодоровска. Работам во детската градинка „Раде Јовчевски – Корчагин“ –Скопје како воспитувач. Себеси би се опишала како едукатор што ги учи децата на животните вештини и на емоционална зрелост и сигурност.

Како мајка, воспитувач, човек што неизмерно ги сака децата, секојдневно посветувам внимание и грижа за најмалите и остварувам силни врски и интеракции за да ме доживеат децата како личност што им влева сигурност, која ги слуша и ги почитува, а воедно, ги учи и ги воспитува да бидат подобри и поуспешни.

За мене единствената мотивација се децата. Кога работите со деца, вие сте освоени од секое детско срце. Децата ги гледам како наше најголемо богатство, во кое ние треба многу да вложуваме, бидејќи тие се нашата иднина, нашето сè. Ние како нивни едукатори секогаш мислиме на потребите на децата и го даваме нашиот максимум во раното учење и развој на воспитно-образовниот процес.

Иднината на образованието зависи од сите нас. За да имаме посреќни деца, треба да ги подобриме условите и начините на учење. Во воспитно-образовниот процес треба да бидеме вклучени сите, особено кај најмалата возраст, за да можат да пораснат во емоционално зрели личности, кои сакаат, почитуваат и се благодарни. Модернизацијата треба да ја консумираме со цел и умерено за да не ги изгубиме меѓучовечките вредности. Убаво е да почнеме да создаваме едукативни содржини што ќе им помогнат на децата и родителите како едно образовно помагало.

ЕДУИНО за мене е платформа за образовен раст и развој на децата. Е – единствена и едукативна, Д – друштвено дигитална, У – учечко, И – игровна, Н – научна, О – образовна програма.

Едукација.