Aktivitete dhe lojra
Ju ftojmë ta shikoni bibliotekën tonë të pasur me mbi 200 aktivitete për fëmijë nga 3 deri në 10 vjeç, në të cilat jemi të sigurt që do të gjeni frymëzimin dhe një mundësi të mrekullueshme për të mësuar dhe luajtur!Ky seksion i platformës Eduino përmban aktivitete lojërash të cilat mund t’i kërkoni duke zgjedhur një temë, moshë dhe kohëzgjatje për realizim. Aktivitetet përshkruhen sipas një shablloni të unifikuar në të cilin është paraqitur metoda e përgatitjes dhe realizimit, poashtu, më poshtë ka foto dhe/ose video të realizimit të aktiviteteve. Në këtë bibliotekë do të gjeni lojëra digjitale të gatshme dhe udhëzime për instalimin dhe mënyrën luajtjes së tyre.
Përmes këtij aktiviteti fitohen njohuri për kafshët shtëpiake dhe në mënyrë kreative, përmes formave matematikore, përpunohet shtëpia dhe qeni.
Aktiviteti e nxit kureshtjen e fëmijës përmes lojës duke hulumtuar pyllin, kafshët që jetojnë në të dhe hijet e tyre me bisedë.
Lojë interesante me top në të cilën të gjithë pjesëmarrësit kanë emra të shpikur. Nevojitet shpejtësia në të lëvizur dhe në të menduar. Kjo është lojë për zhvillimin e motorikës, por edhe të kujtesës.
Përmes kësaj loje fëmijët kanë mundësi të trillojnë një tregim për njeriun e dëborës dhe aventurat e tij, e pastaj në mënyrë kreative të bëjnë dordolec.
Që të mund fëmijët të fitojnë aftësi motorike, është e nevojshme të forcohet përvoja e tyre në aktivitetet e përditshme motorike. Kjo lojë lëvizëse i stimulon lëvizjet motorike themelore.
Me ngjyra paraqiten ndjenjat e ndryshme dhe secili fëmijë jep shpjegimin e tij pse zgjodhi ngjyrën përkatëse. Në fund, përmes enigmës dypjesëshe, i kombinojnë emocionet.
Fëmijët ndahen në dy ose tri grupe dhe njëri prej grupeve cakton shkronjën dhe ata fillojnë të shkruajnë p.sh. me shkronjën G - emër mashkulli, emër femre, emër qyteti, emër fshati, peme, sendi...
Aktiviteti "Aventurë me stinat e vitit" ju dërgon në një aventurë dhe kënaqësi të vërtetë duke zgjuar kreativitetin dhe vetëbesimin tuaj. Përmes 24 kartelave të bëra dhe 4 posterave, fëmijës i jepet mundësia të njohë dhe të shprehë verbalisht karakteristikat e stinëve. Realizohet për 30 minuta dhe kontribuon për zhvillimin njohës të fëmijëve dhe zgjerimin e njohurive të tyre të përgjithshme.
Ky aktivitet bazohet në imagjinatën e fëmijëve, ku secili fëmijë duhet të krijojë historinë e tij personale me ndihmën e fotografive të vizatuara në kartelat e miqve të tyre. Kjo do t'i ndihmojë ata në jetën reale të krijojnë historinë e tyre të plotë duke lidhur ngjarjet që i kanë parë, dëgjuar ose ndodhur. Mosha ideale për të inkurajuar fëmijët të mendojnë në këtë mënyrë, pra të luajnë këtë lojë, është nga 4 deri në 6 vjeç.