Lojë me guralecë

Përgatitje e guralecëve për lojë (12). Guralecët nuk është e thënë të jenë në të njëjtën formë, duhet të jenë në madhësi afërsisht të njëjtë. Mbi to vizatohen shenja të caktuara për 2 lojtarë (6 shenja të njëjta për njërin, 6 shenja të njëjta për tjetrin). Për shembull në njërin vizatohen mollëkuqe, në të tjerat lule, mundet edhe forma ose diçka tjetër sipas përzgjedhjes së fëmijëve. Në një karton skicohet një skemë nga 9 fusha (dy vija paralele horizontale dhe dy vija paralele vertikale – si taraba).

Çdo lojtar zgjedh se me cilët guralecë do të luajë dhe gjithë të gjashtët i vë para vetes. Tabela e vizatuar me skemën vihet ndërmjet lojtarëve dhe loja fillon. Çdo lojtar vë nga një guralec me shenjë në fushën që do zgjedh, me qëllim që të lidh 3 guralecë në një vijë (cilado qoftë vertikale, horizontale dhe diagonale).

Përmes një numratoreje përcaktohet se kush do ta fillojë lojën. Lojtari i parë e vë guralecin me shenjë në një nga nëntë fushat, e pas tij lojtari tjetër. Loja zgjat deri sa njëri nga lojtarët nuk lidh tre guralecë me shenjën e tij në vijë.