Аголна потрага
Учениците во потрага по предмети во училницата, ќе имаат можност да препознаваат видови агли на еден интересен начин со натпреварувачки дух, во ограничено време.
Маја Буклеска, Сандра Колева, Мануела Димова
Креда, табла, хулахоп, ластик, предмети (што ги има во училницата).
Групна
Цели
Да препознава видови агли.
Резултати
Препознава видови агли.
Игровна активност
Учениците се делат во три групи. Потребно е да се направи простор каде што секоја група ќе ги собира предметите од училницата и ќе ги става на определеното место. Просторот може да биде определена клупа, хулахоп, ластик... (Прилог 1 – детален опис)
Секоја група истовремено бара предмети, во кои препознаваат прав агол, остар агол, тап агол. Времето е ограничено, 40 секунди. Еден предмет носи 1 поен. На крај се собираат поените од активност 1, 2, 3 и се прогласува победникот.
Активност 1 – прав агол: Пронајдениот предмет за 40 секунди се остава во просторот на групата. Се проверуваат предметите. Проверка прави по еден член од секоја група и наставникот, се бодуваат. Предметите се враќаат во училницата. Активност 2 – остар агол. Активност 3 – тап агол. (Прилог 1)
Приспособување на активноста за спроведувење (учење преку игра) со ученици со посебни образовни потреби
Играта е приспособлива за ученици со ПОП, ученикот или ученичката може да биде во улога на наставник (да запишува поени), во улога на контролор на пронајдените предмети, односно дали предметот го има бараниот агол.