Назад до активноститеВолшебна елка
Играта го поттикнува социоемоционалниот развој кај децата. Децата ги искажуваат своите желби, потреби и моменти на среќа преку предизвици од секојдневниот живот.
Мануела Димова, Сандра Колева, Маја Буклеска
Прилог
Новогодишна елка, лампиони (од хартија), картончиња со броеви, новогодишно капче, подароци.
Заедничка, Индивидуална
Цели
- Да се поттикнува социоемоционалниот развој кај децата.
Резултати
- Ужива во игра со други деца, станува посвесно за своите и за туѓите емоции.
Игровна активност
За реализирање на оваа игра потребна е новогодишна елка со лампиони или елка нацртана на хамер. Во лампионите се крие предизвик од секојдневниот живот. Секој лампион е обележан со број. Се подготвуваат и картички со броеви. (прилог 1)
Играта започнува со првиот ученик запишан во дневникот. Секој ученик си влече картичка со број од новогодишно капче. За одговорено прашање или предизвик се добива награда. Наградата е подарок од организирана новогодишна лотарија, каде што учениците носат новогодишен подарок. (прилог 3- Детален опис)
Ученикот влече картичка со број. Оди кај лампионите и го зема лампионот соодветен на бројот на извлечената картичка. Од задната страна на лампионот е запишан предизвикот. (Прилог 2 - Предлог-предизвици) (Прилог 3 - Детален опис)
Приспособување на активноста за спроведувење (учење преку игра) со ученици со посебни образовни потреби
Доколку во одделението има ученик/чка со посебни образовни потреби, во зависност од видот на потребата наставникот ја приспособува играта за ученикот. Ученик/чка може да ги дели картичките со броеви или подароците. Учествува активно во играта со што наставникот дава предизвик што е достижен, остварлив за ученикот/чката.
Поврзани активности
Создај ритмичка вежба и фати го ритамот. Низ игра учениците ќе изведуваат ритмичка вежба со изучените нотни вредности.
„Разложувалко“ е активност преку која на интересен начин се совладува разложувањето на броевите. Ученикот преку визуелна анализа ќе се оспособи за разликување на десетките и единиците во даден број.
Преку оваа активност учениците ги учат планетите на Сончевиот систем.