На крстосница
Преку активноста „На крстосница“ е даден пример како може да се научат и да се применат сообраќајните знаци и правилата на крстосница практично преку интересна игра.
Жаклина Ристовска, одделенски наставник во ООУ „Браќа Миладиновци“, Аеродром – Скопје
● Бела самолеплива лента ● Стапчиња (дрвени) ● Пластелин ● Колаж-хартија ● Линијар со шаблони ● Ножички ● Лепило ● Играчки (мали човечиња или пиони од шах, разни возила) ● Училишна клупа
Работа во парови
Цели
Да изработи сообраќајни знаци со комбинирање разни материјали и да изработи крстосница со соодветни сообраќајни ознаки.
Да го знае значењето на изработените сообраќајни знаци и правилно да ги постави на крстосницата.
Резултати
- Да знае да комбинира разни материјали за да изработи сообраќаен знак и крстосница со сообраќајни ознаки.
- Да умее правилно да ги постави сообраќајните знаци на крстосница.
- Да почитува сообраќајни знаци и сообраќајни правила на крстосница.
Игровна активност
Наставникот покажува инструкции како со комбинирање разни материјали да се изработат сообраќајни знаци и крстосница, а потоа учениците изработуваат сообраќајни знаци и крстосница според неговите насоки, но внесуваат и своја креативност при изработките.
Учениците правилно ги поставууват сообраќајните знаци на веќе направената крстосница на своите клупи и играчките (пешаци и возила).
Во пар или група 3-4 ученици играат движење на пешаци и возила (играчки), при што ги почитуваат сообраќајните правила и знаци. (на пр., возилата се движат од десната страна на улицата до испрекинатата бела лента, пешаците преминуваат на пешачки премин, ако има знак СТОП, возилата мора да застанат.
Приспособување на активноста за спроведувење (учење преку игра) со ученици со посебни образовни потреби
Во зависност од попреченоста, наставникот помага да бидат дел од играта со другите ученици во групата. Поттикнува и насочува како да ги постават сообраќајните знаци на крстосницата и да играат движење на пешаци и возила.