Волшебната кутија на емоции
Оваа активност кај учениците буди радост, забава и смеа, но значително влијае и за искажувањето на емоциите (радост, тага, лутина...).
Гордана Наумовска-Трајкоска, Марина Станиславова, Ксенија Николова
Кутија, бели листови, дрвени боички, хамер
Индивидуална
Цели
- Да знае да ги искаже своите емоции
- Да знае да каже како се чувствува
Резултати
- Знае да ги објасни емоциите
- Знае да каже како се чувствува кога е тажен, среќен...
Игровна активност
За оваа активност потребно е кутија обложена со жолта хартија на која можат да се залепат стикери со среќни, тажни, лути... лица. Бела хартија и дрвени боички.
Најпрво треба да се подготват учениците за активноста. Да се поделат белите листови и дрвените боички. Кутијата да се постави во средишниот дел од училницата.
Наставникот да даде насока да нацртаат како се чувствуваат (среќни, тажни, лути, заљубени...). По нивното завршување, да се превитка листот и да се стави во ВОЛШЕБНАТА КУТИЈА. Откако сите ученици ќе го завршат првиот дел од активноста, следи отворањето на ВОЛШЕБНАТА КУТИЈА.
Приспособување на активноста за спроведувење (учење преку игра) со ученици со посебни образовни потреби
Ако во паралелката има ученици со попреченост, наставникот/ асистентот помага во цртањето и во правењето на знаците за емоции. Ако има ученик со физичка попреченост при изведување на знаците, за него се предвидуваат според способноста. На пр., ако треба да тропа со нозете, тој ученик со рачињата ќе тропне на нозете седејќи или ако треба да тропка со прстите, ќе направи активност со прстите онолку колку што е во можност.