Божиќна меморија
Преку играта се поттикнува развој на логиката и помнењето. Детето учи да составува пар од исти елементи.
Јасмина Муриќ, професор по предучилишно воспитание (воспитувач во ЈОУДГ „Фидани“, Скопје)
- Печатени листови со мали божиќни сликички (елка, Дедо Мраз, лампион, снешко, колаче, свеќа, божиќен венец, ѕвонче и сл.) - Колаж-хартија во црвена боја - Ножички - Лепило
Групна, Индивидуална
Цели
Да се оспособува за користење на конкретното набљудување и манипулирање во функција на активирање на повисоките мисловни функции.
Резултати
Поврзува пар од исти елементи.
Игровна активност
Воспитувачот избира и печати листови со картички - божиќни слики. Подготвува листови за изработка на мали картички кои ќе послужат како позадина на игра меморија.
Во зависност од возраста и интересите на децата, воспитувачот избира божиќни слики. Децата ги подготвуваат картичките потребни за игра меморија. Со ножички, по линија сечат божиќни слики и ги лепат на картички. Бројот на картичките употребени во играта зависи од возраста на детето.
Најпрвин се именува секоја слика на картичката. Подготвените божиќни картички се редат една до друга свртени наопаку. Децата избираат две картички, ги отвораат. Ако се пронајде ист пар картички, тие се редат настрана. Во спротивно, се враќаат на место.
Приспособување на активноста за спроведувење (учење преку игра) со ученици со посебни образовни потреби
- Работа со ножички (сечење божиќни сликички и нивно лепење на картички) - Давање насоки при играње на играта, помош при составувањето пар од исти елементи. - Пофални зборови и мотивација на децата.