Назад до активноститеВезење букви
Активност што ги стимулира процесите на логичкото размислување и фината моторика, овозможува осознавање на буквите на ниво на рекогниција и увид во нивната структура.
Прилог
Подебела хартија/картон, ножици, молив, клопче/макара конец.
Заедничка, Индивидуална
Цели
Активноста овозможува да се стимулира развојот на фината моторика, се поттикнува одржување на поголем степен на внимание,концентарација, се зајакнува визуелната перцепција и кординација око -рака, воедно се осознаваат буквите и нивната структура и се поттикнува логичкото размислување.
Резултати
Детето покажува истрајност,трпеливост и прецизност при реализирањето на активноста со што ја јакне својата емоционална стабилност, го поттикнува развојот на фината моторика и логичкото размислување низ самостојно утврдување на правецот на движење на конецот околу картонската буква, коодринацијата на релација око - рака му овозможува зајакнување на визуелната перцепција и поголема насоченост на менталната активност, ги осознава, препознава, учи буквите.
Игровна активност
Се изработуваат шаблони/модели на букви кои се цртаат и сечат од подебела хартија/картон. Се обезбедува клопче/макара конец.
Процесот на реализација на активноста му се покажува практично на детето. Се прицврстува/заврзува конецот за моделот на буквата и се обвиткува со него. Воедно, се именуваат буквите и нивните составни линии.
Детето ја обвиткува картонската буква со конец, осознавајќи ги правците на движење со цел да ги опфати сите нејзини делови.
Приспособување на активноста за спроведувење (учење преку игра) со ученици со посебни образовни потреби
Лесно применлива и практикувана активност кај деца/ученици со посебни образовни потреби кои се соочуваат со тешкотии во насоченоста на вниманието, концентрацијата, совладувањето на буквите. Притоа, ги поттикнува истрајноста, прецизноста, трпеливоста преку кои се надминува емоционалната лабилност, ригидното однесување кое се манифестира низ ниска толеранција,висок праг на фрустрација, опсесивно-компулсивни епизоди, хиперактивност, анксиозност.
Поврзани активности
Целта на оваа активност е да се наместат правилно формите во своите делови.
Интересна игра со броеви и пластелин која ќе внесе забава во домот и ќе го задржи вниманието на детето.
Целта на активноста е детето да ја препознава геометриската форма квадрат, да ги препознава и именува боите и да може да ги распореди квадратите на новогодишниот подарок според дадена шема.