Назад до активноститеИгрa со камчиња
Камчиња, математика и логика - одлична можност за натпревар и учење!
Соња Чаловск; Весна Пецева Графички дизајн: Катерина Николовска; Лектура: Јана Михајловска; Превод: Агим Лека
Камчиња(12); темпери/фломастери/маркери.
Индивидуална
Цели
Целта е кај детето да се развива логичкото мислење.
Резултати
Детето ги предвидува работите кои следуваат.
Игровна активност
Подготовка на камчиња за игра (количина: 12). Камчињата не мора да бидат во иста форма, треба да бидат приближно иста големина. На нив се цртаат одредени знаци за 2 играчи (6 исти знаци за едниот, 6 исти знаци за другиот). На пример, на едните се цртаат бубамари, на другите цвет, може форми или нешто друго по избор на децата. На еден картон се исцртува шема од 9 полиња (две паралелни хоризонтални и две паралелни вертикални линии - како тараба).
Секој играч избира со кои камчиња ќе игра и сите 6 ги става пред себе. Нацртаната табла со шемата се става меѓу играчите и играта започнува. Секој играч става по едно камче со знак во поле кое ќе го избере, со цел да спои 3 камчиња во една линија (која било која, вертикално, хоризонтално и дијагонално).
Преку бројалка се одредува кој ќе ја започне играта. Првиот играч го става камчето со знак во едно од деветте полиња, а по него другиот играч. Играта трае сè додека еден од играчите не спои три камчиња со својот знак во линија.
Поврзани активности
Играта е наменета за реализација во домашни услови. Кај децата се развива самодовербата, снаодливоста, самостојноста, планирањето, тимската работа и комуникацијата.
Пренамена на отпаден материјал, изработка на детска играчка, развој и поттикнување на детската креативност, насоченост и истрајност во работата.
Секое дете ужива во играта со пластелин што лесно се обликува и не се лепи на рацете. Пластелинот може да се употребува повеќепати. Уживајте во играта и забавувајте се.