Домино спротивности
Идеална активност за поттикнување на натпреварувачкиот дух помеѓу учениците. Ја негува играта, наспроти традиционалното учење, унапредување на знаењето, функционална примена и зголемена мотивација за наставните содржини. Се развива интелектуалниот потенцијал кај секое дете и се збогатува активниот фонд на зборови и зборови со спротивно значење.
Доколку сте автор на оваа активност, ве молиме контактирајте не.
Ножици; Пластификатор; Фолија за пластифицирање
Работа во парови
Цели
1 и 2 ниво: Да ги поврзуваат визуелно и акустички дадените слики; Да се организира учењето (да се проширува и потикнува знаењето кај децата); Да го забрзува развојот на индивидуалните карактеристики и креативноста кај децата; Да придонесува за јакнење на тимската работа; Да помогне во решавање на основните проблеми во комуникацијата со другите, стекнување на нови вештини, сознавањето и формирањето на мислењето за различни состојби и појави; Да ги поттикне да го негуваат пријателството, грижата за другите, самоконтрола и почитување спрема мислењето и ставот на другите.; 3 ниво: Да се запознаат со зборовите со спротивно значење; Да го разберат значењето на зборовите; Да споредуваат зборови со спротивно значење.
Резултати
Збогатување на активниот фонд на зборови, зборови со спротивно значење; Почитување на дадени правила, дадени правила треба да се почитуваат со самото започнување на играта; Развивање на аудитивно - вербално внимание и перцепција. Развивање на интелектуалниот потенцијал, со играта се овозможува развивање на памтењето, се подобрува концентрацијата и се насочува вниманието на она што е значајно; Се поттикнува натпреварувачки дух помеѓу учениците; Играта, наспроти традиционалното учење, унапредување на знаењето, функционална примена и зголемена мотивација за наставните содржини.
Игровна активност
Учениците добиваат готови шаблони, картички со зборовите со спротивно значење, ги сечат, а потоа помагаат во постапката на пластифицирање.
Наставникот на учениците им ги објаснува правилата на играта, картички со слики и домино картички со зборови и им дава насоки на учениците. Играта ја започнува ученикот кој што ја пронаоѓа картичката со зборот “почеток”, картичката со почетниот збор, ја чита, а другиот ученик го следи со внимание и го бараат спротивниот збор од оној што го навел ученикот. Играта продолжува се до последната картичка. Во завршниот дел наставникот им ги соопштува заклучоците, кој ученик покажал најдобри резултати самостојно.
Во играта учествуваат двајца играчи, кои, по извлекувањето на почетната картичка, во банката на податоци ја наоѓаат следната карта и ја редат по принципот на домино.