Сликање без боја
Излезете од линиите на обичните боички и пренесете нова техника со која ќе ги заинтересирате децата уште повеќе. Поттикнете ги да екпериментираат и за возврат ќе добиете ремек-дела.
Силвана Бошковска-Ќулавковска, воспитувач, ЈУДГОЦ ,,Кочо Рацин“ - Скопје
Волници во боја, ножички, самолеплива фолија.
Индивидуална
Цели
- Поттикнување на сетилен развој
- Збогатување на сензорно-перцептивните искуства
- Развивање на спретност во користењето на материјалите и средствата( волница, самолеплива фолија, ножици)
- Развивање на ситната мускулатура на шаката, координација око-рака
- Стекнување на самодоверба, сигурност и слобода во процесот на проучување и творење
Резултати
- Детето разликува и именува повеќе материјали со кои може да обликува
- Активно ги користи дланките и прстите во обликувањето
- Покажува вештина за самостојно сечење со ножици, лепење итн
Игровна активност
Претходно обезбедена волница во разни бои, самолеплива фолија.
Преку повеќе слики прикажани од интернет на децата ќе им се даде јасна слика и идеи за тоа што треба да изработат.
Децата со ножички ќе сечат волница, кратка или долга, како и бои по нивен избор и ќе ја лепат на самолепливата фолија така што ќе остварат некоја интересна слика со некој мотив или, пак, ќе изработат шарена слика без мотив од разнобојните волници различни по должина и форми.