Во книжарница
Преку оваа активност, учениците ќе се насочат кон практична примена на пари. Играта е лесна и забавна, особено кога се споделува со другарчиња!
Ирена Анастасовска
Разни предмети (како од книжарница), истакнати со цени (книга, боички, молив, сликовници...), бели листови.
Групна
Цели
Ученикот да научи правилно да ги искажува вредностите во денари.
Да ги препознава банкнотите од 50 и 100 денари.
Резултати
Ги искажува вредностите во денари. Ги препознава банкнотите од 50 и 100 денари.
Игровна активност
Учениците се насочуваат да ги препознаат парите (монети и банкноти) и нивно практично користење, при што се вежба собирање и одземање до 100.
Се даваат насоки да се насочат кон размислување и примена на различни стратегии за подобра практична примена на пари. Победник е онаа група што ќе состави најголем број различни стратегии.
Учениците се поделени во групи. Секоја група ги забележува цените на производите (како во книжарница) истакнати на табла. Составуваат различни начини на плаќање за четири различни производи. Победник е групата што има најмногу различни начини на плаќање.