Шиеме цветови
Активноста им помага на децата во координација рака - око и истовремено им помага да ја подобрат нивната концентрација.
Клопче од волница, картон, ножици, испечатен лист со цвет, лепило.
Индивидуална
Цели
- Детето да ја подобри координацијата рака - око.
- Детето да ја подобри својата концентрација.
Резултати
- Детето успешно да ја протнува волницата низ исечените дупки од цветот.
Игровна активност
Родителот го печати и го сече цветот. Потоа го лепи на подебел картон и ги исекува кружните отвори за детето да може да ја протне волницата низ дупките. Крајот на волницата го врзува во клопче за да не излегува од дупката откако детето ќе почне со „шиењето“.
Родителот му објаснува на детето како успешно да ја протне волницата низ претходно исечените дупки во цветот и да почне да „шие“.
Детето самостојно ја протнува волницата низ дупките и успешно ја реализира активноста.