Unë jam Gorica Ferdinandi, mësimdhënëse klasore në SHF “Gjorgji Sugarev” nga Manastiri. Për veten time do të them se jam edukatore, e cila e do shumë profesionin, pozitive, komunikative dhe gjithmonë e përgatitur për ta zgjeruar diturinë dhe të aplikojë diçka të re në mësimdhënie me qëllim përmirësimin e zhvillimit personal dhe profesional.

Si edukatore, gjithmonë përpiqem që nxënësve të mi t’ua bëj orët interesante dhe kreative ku të mësuarit bazohet në të mësuarit përmes lojës, hulumtimin, ndihmën dhe respektimin e ndërsjellë. Përmes bashkëveprimit me nxënësit, i motivoj me përpjekje dhe gabime të arrijnë në përfundime pa pasur frikë ta shprehin mendimin e tyre. Kështu i nxis të hulumtojnë, të mësojnë dhe ta aplikojnë atë që e kanë mësuar, e cila thellohet në njohuri të përhershme. Shpeshherë organizoj punëtori interesante për ekologji, me qëllim të nxitjes së vetëdijes së nxënësve që të kujdesen më shumë për mjedis të shëndoshë dhe të pastër, e me atë të jenë edhe ekologë të mirë.

Më tërhoqi koncepti i EDUINO-s, sepse kisha mundësinë të jap kontribut për ta pasuruar thesarin me lojëra edukative me të cilat do të nxitet kreativiteti te fëmijët. U rekomandoj kolegëve të mi mësimdhënës që të inkurajohen dhe të japin kontributin e tyre për pasurimin e bibliotekës me aktivitete edukative dhe t’i bashkëngjiten komunitetit EDUINO.

Si ambasadore EDUINO ardhmërinë e shoh me përsosjen dhe aplikimin e mëtutjeshëm të teknikave dhe strategjive të përvetësuara në procesin arsimor.

EDUINO për mua është platformë ku përmes bashkëpunimit dhe ndarjes së ideve dhe përvojave me kolegët do ta përmirësojmë procesin arsimor.

Thesar i pasur i përmbajtjeve, lojërave dhe aktiviteteve edukative.