Назад до активноститеМузички линии
Целта на оваа игра е да ги мотивира децата да повлекувааат линии според музиката која ја слушаат. Најпрво играта започнува со бавно темпо, при што постепено се забрзува. Играта е наменета за деца од 5 до 6 години. Овозможува искажување на мислите, чувствата и доживувањата на најразлични начини.
Доколку сте автор на оваа активност, ве молиме контактирајте не.
Листови; Мушама; Темперни бои; Четки; ЦД плеер
Индивидуална
Цели
Да се поддржува во изразувањето на различни начини на искажување на сопствените мисли, чувства и доживувања.
Резултати
Користи неколку начини на искажување на сопствените мисли, чувства и доживувања.
Игровна активност
Подготовка на мушами, листови и бои.
На подот се става голема мушама или неколку помали, децата стојат над мушамата и пред секое дете има празен лист хартија, а на средината има палета од темперни бои. Модераторот им пушта музика на децата и секое дете ја претставува музиката со различни линии (отворени, затворени, испрекинати) и различни бои на листот пред него.
Модераторот им објаснува на децата, дека треба да повлекуваат линии според музиката која ја слушаат. За таа цел, модераторот треба да избере музика со различен ритам за да може децата постојано да бидат поттикнувани. Обично се започнува со побавно темпо, па постепено се забрзува. На крај се прави изложба на цртежите што ќе бидат достапни за сите. По завршување на активноста, се разговара со децата за нивните доживувања.
Поврзани активности
Преку изработка на часовник децата се запознаваат со времето и полесно го совладуваат мерењето на времето.
Преку активноста кај децата се развива вештината за ракување со ножици, се поттикнува истрајност и трпеливост.
Оваа активност ја поттикнува креативноста и мотивацијата кај детето, со непосредно учество на музиката и емотиконите.