Родители/Деца
Драги родители и деца!
Добре дојдовте на едукативната платформа на која може да најдете игри и активности за поттикнување на учењето кај вашето дете. Искористете го продуктивно времето поминато со вашите деца и поттикнете го развивањето на нивните карактерни вредности и развојот на нивните социоемоционални вештини!
Во оваа секција може да најдете едукативни активности за возрасната група на вашето деца и за темата што сакате да ја истражите, но и да поминете забавни моменти низ игра!
Секоја едукативна активност содржи почетен опис: име на активноста, цели, очекувани резултати од неа и начин на реализација – подготовка на материјалите, инструкции и насоки за активноста. Дополнително, повеќето активности содржат и прилози /фотографии, кои ќе ви послужат за реализација на активноста.
Сите активности се изработени од голем број едукатори и родители низ земјата и нивната содржина е верификувана.
Активности - Родители/деца
Преку игра детето ќе научи дека еден предмет може покрај основната намена, да се искористи и за други намени.
Преку разговор и интеракција, научете за сетилото за вкус кое се наоѓа на јазикот. Оваа активност вклучува и експеримент, а во самите упатства има и интересна шема со дадени инструкции за спроведување на активноста.
Ова е практична активност во која детето ќе создаде природна хранилка за птици што ќе виси во близина на вашиот дом и ќе ги нахрани птиците во различни годишни времиња. Убава можност за изработка, учење на различните видови птици и храна која ја јадат.
Преку оваа игра детето се оспособува за воочување и почитување сличности и разлики кај себе и кај другите. Преку "Куќата на емоции" детето ги препознава и именува чувствата.
Дали сте љубопитни да научите нов вид на цртеж? Воден цртеж со кој креативно може да се изразувате.
Куклен театар во вашиот дом! Направете ги куклите, спремете ја сцената и препуштете се на детската фантазија. Одлична активност која ќе ја развие емоционалната компетентност и имагинацијата кај детето.
Преку оваа игра детето се поттикнува на креативност и истрајност при користење на различни ликовни техники и материјали.
Дознајте повеќе за растенијата и нивните делови кои вообичаено не се користат и се фрлени како отпад, а можат да бидат корисни. Со оваа активност ќе научите кои плодови се обновливи, односно можат повторно да се засадат нивните делови и да се добијат нови плодови кои понатаму ќе се употребуваат во исхраната.
Развивајте ја фантазијата, втурнете се во приказните кои се кријат во природата и изразувајте се на креативен начин.
Дополнителни ресурси
Во секцијата „Ресурси“ може да пребарате дополнителна литература, прирачници, едукативни текстови, извештаи, истражувања, брошури и слично, кои го поттикнуваат социоемоционалниот развој кај децата, а се наменети за воспитувачи, одделенски наставници и за родители. Овие ресурси се поставени откако се соодветно проверени од Бирото за развој на образование.