Назад до активноститеЃердан од броеви
Математиката е важен дел од развитокот на децата. Активноста „Ѓердан од броеви“ ќе им овозможи на децата успешно да ја развиваат логиката. За оваа активност, препознавањето и подредувањето на броевите од 1 до 10 се едни од очекуваните резултати по завршување на активноста.
Данка Станкова; Марија Петрова; Александра Јосифова; Габриела Паунова-Коцева
Картонска кутија (капак, 1); цилиндрични котури од хартија (10); хартија во боја (5 листа); лепило (1); јаже (1.5м);
Индивидуална
Цели
Препознавање и подредување на броевите
Резултати
Детето редоследно ги подредува броевите од 1 до 10
Игровна активност
Подготовка на 10 цилиндрични форми коишто се облепуваат со хартии во различна боја и на секоја се испишуваат броевите од 1 до 10, а потоа се лепат на картонска подлога.
Секое дете јажето треба да го протнува низ цилиндрите според правилниот редослед на броевите.
Со повеќе активности децата се мотивираат за играта: броење од 1 до 10, препознавање на цифрите од низата 1-10 и сл.; им се покажува како да го нижат ѓерданот кој веќе е подготвен на картонска кутија. Секое дете самостојно се труди да го наниже ѓерданот со тоа што го протнува јажето од 1 кон 2, од 2 кон 3 итн.
Поврзани активности
Децата сакаат да цртаат и да чкртаат. Тоа е важно за развојот на визуелните и фините моторни вештини. Преку оваа игра, поврзувајќи точки, кај децата се поттикнуваат вештините за цртањe.
Учениците дискутираа за главниот лик во лектирата, ги раскажуваа интересните случки. Стекнатото знаење дојде до израз и по математика, додека го изработуваа Шеќерното дете и природни науки.
Активност преку која се развива ситната моторика, а воедно учениците се воведуваат во 3Д-формите како оптичка уметност (оптичката илузија или таканаречено создавање „трик“).