Облеки
Цели
Да се охрабри самостојно да ја одбира, да ја облекува и да ја соблекува облеката.
Резултати
Ја разликува и ја именува облеката што се носи во различни временски услови (пролет, лето, есен, зима).
Игровна активност
Од картон сечеме поголем круг. Кругот го делиме со фломастер на шест еднакви дела и во нив се цртаат различни делови од телото. Од останатиот картон се сечат кружни форми и на нив се цртаат облеки за секој дел од телото. Малите кругови се лепат на штипки.
Со децата откриваме која е поврзаноста на сликите од малите кругови на штипки со деловите од телото. Како ќе откриваат, ги поврзуваат. На пример, очилата со очите.
Децата откриваат и пронаоѓаат врски што е заедничко кај предметите или појавите. Се води разговор со децата за временските услови и за облеките што ги носат на себе поврзувајќи ги со деловите од телото. Која облека каде припаѓа и кога ја облекуваме?