Назад до активноститеБројчиња на среќа се влечат од вреќа
Целта на оваа активност е учениците да научат да собираат до 100 и да се поттикнат на ферплеј игра.
Ксенија Николова, Марина Станиславова, Гордана Наумовска-Трајкоска
Прилог
Печатени картички со броеви од 1 до 10, две вреќички
Групна
Цели
- Да научат да собираат до 100;
- Да научат да го манифестираат натпреварувачкиот дух позитивно, без да предизвикаат негативни вибрации при играње на играта.
Резултати
Учениците знаат да собираат до 100, постои натпреварувачки дух во одделението и се чувствуваат позитивни вибрации во училницата.
Игровна активност
Наставникот ги сече броевите од 1 до 10 (во два примерока, за двете групи) дадени во прилог 1. На таблата ги запишува групите како во прилогот. Сечените картички ги става во две вреќички, по една за двете групи.
На учениците им се објаснува дека секој треба да извлече картичка и да го запише бројот на таблата во графата на својата група. Извлечената картичка ја враќа во вреќата и ја меша со останатите. Групите работат истовремено.
Еден ученик влече бројче, го запишува, ја протресува вреќичката и се враќа до следниот ученик кој ќе тргне откако ќе направат „да пукне“ со рацете. На крај, секоја група избира стратегија за да го пресмета збирот од своите среќни бројчиња. Победничка група е онаа што ќе пресмета побрзо и поточно.
Приспособување на активноста за спроведувење (учење преку игра) со ученици со посебни образовни потреби
Ученикот со ПОП, заедно со својот асистент или наставникот, активно учествува во играта со влечење картичка.
Поврзани активности
Луѓето сè почесто размислуваат за благосостојбата на нашата планетата Земја. Преку оваа игра можеме на забавен и креативен начин да го искористиме отпадниот материјал.
Целта на активноста е ученикот да ја идентификува соодветната боја на предметите кои се претставени на картонот од сите бои кои се наоѓаат во нашата поблиска околина.
Развивајте ја љубовта кон читањето интересни книги и збогатете го речникот.