Порталот ги содржи новите видео лекции наменети за учебната 2020/21 година за основно и средно гимназиско образование, кои се подготвени од наставници ширум државата. Дополнително, ЕДУИНО содржи голем број на образовни ресурси, игри и едукативни активности за поддршка на воспитно-образовниот процес. Едуино е колективен портал на којшто, заедно со учениците, наставниците и родителите, се креираат и објавуваат нови ресурси и материјали, градејќи ја првата библиотека на дигитални едукативни материјали во нашата држава.

„Водич низ квалификациите во стручното образование“ првично е наменет за стручните служби во основните училишта ширум државата, но и за целокупниот наставен кадар, родителите, учениците и пошироката стручна и читателска јавност.
Водичот е изработен од страна на работниот тим на Центарот за стручно образование и обука, со поддршка од проектот „Образование за вработување во Северна Македонија“.

Преземи

ЕДУИНО поттикна и вклучи над 1200 воспитувачи, наставници, родители и образовни експерти во изработка на дигитални наставни содржини, едукативни игри, вебинари и упатства. Нивниот придонес беше волонтерски, без паричен надомест.
Им благодариме на сите кои изминативе неколку месеци ја пружија својата поддршка преку која колективно се креираат, проверуваат и објавуваат нови ресурси и материјали, градејќи библиотека на дигитални едукативни материјали.

2.5 милиони прегледи и преземања на содржините на ЕДУИНО порталот за поддршка на образованието!
ЕДУИНО е колективен портал за дигитални содржини, соработка и професионален развој на којшто, заедно со децата, едукаторите и родителите, се креираат, проверуваат и објавуваат нови ресурси и материјали, градејќи ја библиотеката на дигитални едукативни материјали.

Погледнете ги достапните ресурси за образовен кадар кои ќе ви помогнат да внесете нови дигитални алатки во вашиот онлајн час. На ЕДУИНО порталот ќе најдете видеоупатства и ресурси за подобро спроведување на онлајн настава, како и алатки за интерактивно пренесување на знаење за време на наставата.